Celsus ehf.  Heilsu- og hjúkrunarvörur sem auglýsir hér á vefnum okkar, bjóða nú félagsmönnum 15% afslátt af vörum gegn framvísun félagsskirteinis þegar verslað er í verslun þeirra að Ægisíðu 121, 107 Reykjavík.

Celsus ehf  var stofnað árið 1995 og er heildverslun sem selur hágæða vottaðar heilsuvörur  og eru viðskiptavinir  apótek um land allt, Fríhöfninn í Keflavík og nokkrir stórmarkaðir. 

Vörur sem við þekkjum er sólarvörnin þeirra vinsæla  „Proderm“ og eins Aloa Vera sem allir þekkja, en hjá þeim er líka að finna fleiri hágæða vörur eins og:

Life Extention : Bætir líkamlegt þrek, eykur úthald, betri svefn og léttir lund.

AstaZan : Er byltingakennt andoxunarefni, eykur styrk og þol vöðva og lagar bólgur, styrkir varnir húðar.   

Spirulina : Er vottað lífrænt fjölvítamín.
Collagen : Er vísindalegað prófað, gott fyrir liðina, húð, hár og neglur. 

Sorbact  : Sáraumbúðir „græn sáralækning“

Nánari upplýsingar um allar vörur Celsus er að finna á heimasíðu þeirra www.Celsus.is og er um að gera að skoða þar og í framhaldinu að kíkja í heimsókn til þeirra á Ægissíðuna til að fá frekari upplýsingar og góð ráð sem hentar hverjum og einum.  Anna og starfsmenn hennar taka vel á móti félagsmönnum.                   

Þann 10. mars nk. verður árshátíðin haldin á Hotel Traiña í San Pedro del Pinatar. Hefst hún kl. 19:00 með fordrykk. Þá verður borinn fram glæsilegur 3ja rétta kvöldverður með borðvíni, vatni eða bjór. Happdrætti, lifandi tónlist við allra hæfi til klukkan eitt. Daginn eftir er boðið upp á glæsilegt morgunverðarhlaðborð.

Miðaverð á mann með gistingu í tvíbýli 50 €
Miðaverð á mann með gistingu í einbýli 60 €
Miðaverð án gistingar 35 €

Miðasala á hittingum og hjá Hrefnu og Gulla í Las Mimosas. Símar 965 073 216 og 637 979 656. Einnig má senda þeim tölvupóst á Þetta netfang er varið fyrir ruslpósti, þú þarft að hafa Javascript virkt til að skoða það .

Eins og undanfarin ár er takmarkaður fjöldi herbergja á hótelinu og því betra að kaupa miða sem fyrst og ekki seinna en 2. mars nk.

Mikið stuð og mikið fjör!

Búið er að bæta inn aukaflugi um páskana, bæði fram og til baka og eru flugin komin inn á bókunarvélina á innri vef félagsins. Sætin í vélunum sem lagt var upp með í upphafi seldust hratt upp og við því hefur verið brugðist.

Brottför verður frá Keflavík í beinu flugi til Alicante 30. mars og er tími brottfarar 8:40 og áætluð lending í Alicante kl 15:10, en sumartími skellur á í Evrópu 25. mars og tekur komutíminn mið af því.

Heimflug verður að næturlagi, þann 10. apríl eða 14. apríl og brottfaratími báða dagana áætlaður 23:55.

 Frá því flugsamningur var gerður milli FHS og Plúsferða, hefur áfram verið unnið að hagsmunamálum félagsmanna í tengslum við flugið.
Helst ber að telja: 
 
-Unnið hefur verið að því að finna heppilega dagsetningu á aukaflugi vegna páskaflugs. Dagsetningin er bundin við að flugvélin hafi verkefni til baka, til að þurfa ekki að fljúga tóm eða illa nýtt, enda myndi slíkt hleypa verðinu upp. Það sama er upp á teningnum þegar farþegar eru sóttir, þá þarf vélin að hafa verkefni á útleiðinni af sömu rökum. Líklegst í stöðunni er að útflugið frá Íslandi vegna aukaflugsins kringum páskana verði 30. mars og heimflugið frá Spáni 9. apríl. Þetta skýrist vonandi í næstu viku.

-Þá er niðurstöðu að vænta fljótlega í því að fólk geti bókað beint, alla leið, frá Keflavík til Alicante, með millilendingu í London, meðan ekki er beint flug á milli Keflavíkur og Alicante. Þar er verið að hugsa um tvenns konar útfærslu. Þá, eins og fyrr segir, að fólk geti bókað alla leiðina í einni bókun einu sinni í viku og hins vegar að bóka sig aðeins til London og komi sér síðan sjálft áfram með því flugfélagi sem það kýs niður til Alicante. Svipað gildir um bakaleiðina.

-Unnið er að umbótum á bókunarvél þannig að fólk geti bókað, gegn vægu gjaldi, fyrirfram ákveðin sæti í vélunum þannig að bið úti á flugvelli, vegna innritunar mörgum klst. fyrir brottför til þess t.d. að fólk geti setið saman, heyri sögunni til.

-Þá er unnið að því að FHS félagar geti í gegnum samninginn keypt auka farangursheimild, umfram þau 20 kg. sem þegar er á venjulegum miða. Niðurstöðu í þessum málum er að vænta á allra næstu dögum/vikum og þó menn séu búnir að kaupa miða þá er gert ráð fyrir að þeir geti nýtt sér þessa viðbótar þjónustu þó hún verði færð inn á bókunina eftir á.

Myndin hér að ofan er frá undirritun grunnsamningsins milli FHS og Plúsferða. Frá vinstri: Þorsteinn Guðjónsson forstjóri Plúsferða, Bjarni Jarlsson varaformaður, Hólmsteinn Björnsson gjaldkeri, Víðir Aðalsteinsson stjórnarmaður og Sigurður Þ. Ragnarsson formaður. Á myndina vantar Ragnar Ó Pétursson ritara sem einnig kom að samningsgerðinni.  

Kröfa Ryanair um að þurfa ekki að nota landgöngubrýr á Alicante flugvelli hafnað.

Rök Ryanair um að flutningur fólks frá  og að vélum félagsins fótgangandi úti á flugbraut, í stað um landgöngubrú við flugstöð, væri ímynd lággjalda flugfélags til að halda niðri kostnað við flugfargjöld, var hafnað á þeirri forsendu að Ryanair notaði landgöngubrýr í öðrum flughöfnum Spánar.

Santiago Martínez-Cava, forstjóri AENA’s flugþjónustunar á Alicante flugvelli, hefur ráðlagt flugrútur sem annan kost í stað landgöngubrúar, eftir hótanir Ryanair um að skera niður flug á 18 flugleiðum til Alicante með fækkun um 1.5 miljón farþega.

Meðal flugleiða sem Ryanair hefur hótað að fella niður eru frá London Gatwick, Doncaster, Madrid og Zaragoza.  

Menn bóka með því að hafa samband við Hótel Selfoss í síma: 480 2500