Sveinn Arnar Nikulásson
Stjórnandi
Stjórnandi
| Skilaboð: 34 |   |
Álit: 8
|
Re:Vélhjól (Vespur) - 2009/04/03 12:18
Tryggingar á skellinöðrur (sem og þessar svokölluðu vespur) með 50cc mótor og minni kosta gjarnan u.þ.b. 170 € á ári samkvæmt upplýsingum frá Knight tryggingamiðlun í La Zenia. Þegar um er að ræða mótorhjól með stærri en 50cc mótor er ársiðgjald um 250 €. Í báðum tilfellum voru tekin dæmi um tryggingartaka um þrítugt, með a.m.k. tíu ára ökuskírteini. Til að fá frekari upplýsingar hjá Knight má ýmist hringja í síma 966 760 037 eða skrifa tölvupóst á orihuelacosta@knight-insurance.com
Varðandi mismunandi skoðanatíðni á mótorhjólum eftir vélarstærð, þá er það þannig að mótorhjól stærri en 50cc þurfa ekki að fara í skoðun fyrr en eftir fjögur ár frá nýskráningu. Síðan þarf að færa þau til skoðunar á tveggja ára fresti. Skellinöðrurnar, minni en 50cc, þurfa að fara með í skoðun eftir tvö ár frá nýskráningu og svo á tveggja ára fresti. Það má því segja að skoðanatíðnin sjálf sé hin sama, hver sem vélarstærðin er. Verð fyrir skoðun á mótorhjólum er 24,25 €. Svona í leiðinni er upplýst að opnunartími skoðanastöðvanna er örlítið mismunandi eftir staðsetningu. Í Torrevieja er hún opin frá kl. 8:00 til 21:00 (engin siesta) á virkum dögum. Á laugardögum frá kl. 8:00 til 13:00. Í Pilar de la Horadada er hún opin frá kl. 9:30 til 19:00 (siesta milli 14:00 og 16:00) á virkum dögum. Á laugardögum frá kl. 9:30 til 13:00. Í San Bartolomé, Orihuela er hún opin frá kl. 8:00 til 22:00 (engin siesta) á virkum dögum og á laugardögum frá kl. 8:00 til 13:00.
Kveðja,
Sveinn Arnar. 
|
