Gríðarlegar hækkanir hafa orðið á verði á flugsætum á milli Íslands og Alicante á Spáni frá því í fyrra.  Bendir margt til þess að samstarf ferðaskrifstofanna Sumarferða, Plúsfera og Úrvals Útsýnar og flugfélagsins Iceland Express, sé helsta ástæða þessarar miklu hækkunar.  Ekki er hægt að skýra þetta háa verð á flugsætum til Alicante með háu olíuverði, en verð á olíu nú er mun lægra en það var í fyrra.  Miðað við lauslega könnun á netsíðum þessara fyrirtækja, virðast flugsæti með brottfarir í maí og júní vera um eða yfir kr.40.000.- fyrir manninn.  Það eru greinilega fleiri en við í stjórn FHS, sem höfum áhyggjur af þessari þróun.  Netsíðan gostablanca.is hefur verið með könnun í gangi þar sem spurt er hvort fólk telji samstarf á flugleiðinni milli Islands og Alicante vera af hinu góða og eru niðurstöður áhugaverðar.  Ef fólk hefur einhverja skoðun á þessum málum þá er það hvatt til þess að greiða athvæði á netsíðu Costablanca.is   Stjórn FHS er að kanna nýjar leiðir til þess að viðhalda samkeppni á þessari flugleið og verða þau mál kynnt nánar, þegar niðurstöður liggja fyrir. 

Töluverður kuldi var á Torrevieja svæðinu um Páskana og hafa FHS félagar, sem fóru í Páskaferðina ekki farið varhluta af því.  En nú mun þó vera orðin breyting á og farið að hlýna, enda fer sumarið senn að koma þarna niður við Miðjarðarhafið.  Páskaferðin var fyrsta ferðin í samningsflugi FHS og Heimsferða og verður farið að fljúga vikulega frá 24. maí. 

Laugardaginn 5. maí verður messa í norsku sjómannakirkjunni í Torrevieja.(c/Ravel 4, Urb. La Siesta.)    Séra Ragnheiður Karítas Pétursdóttir þjónar fyrir altari og sungnir verða íslenskir sálmar.  Íslensk börn búsett á Spáni  munu taka þátt í messunni.  Messan hefst klukkan 16:00.  Eftir messu verður hægt að kaupa kaffi og meðlæti í kaffiteríu kirkjunnar og eiga stund saman. Vona ég að sem flestir komi í hús Drottins,til að syngja saman og eiga samfélag í trú og gleði. Guð gefi ykkur öllum góðar stundir,                                                                   Ragneiður Karítas Pétursdóttir

100% lán – bankaábyrgð á öllum greiðslum  Perla Investments, hefur opnað skrifstofu á Íslandi að Grensásvegi 13, 2 hæð. Reykjavík.  Perla leggur metnað sinn í framúrskarandi og persónulega þjónustu sem sniðin er að þörfum hvers og eins.Við erum til staðar fyrir þig frá fyrsta degi.  Aðstoðum þig á íslensku við allt er varðar fasteignakaup þín, lántöku, útleigu, viðhald, nú eða kaup bátaskýlis eða blæjubíls.   Með 10 ára reynslu af fasteignaviðskiptum á Spáni og þrautþjálfað fagfólk með áratuga reynslu sem hjálpað hefur fjölda landsmanna að finna draumahúsið, góða fjárfestingu eða sitt annað heimili í sólinni, tryggjum við þér þjónustu sem á engan sinn líka.Hvort sem þú ert að leita að nýrri íbúð eða gömlu sveitasetri, erum við hjá Perla þess fullviss að geta boðið þér eignina sem þú ert að leita að. Kaupferlið hefst um leið og þú hefur samband við okkur eða ákveður að koma í skipulagða skoðunarferð.  Við veitum þér allar upplýsingar er varða verðlag, fjármögnun, lagaleg atriði og kaupferlið sjálft.  Allt er varðar fasteignakaup þín, búferlaflutninga og lífsgæði þín í nýju landi er í öruggum höndum fagaðila frá fyrstu stundu.   Við sjáum um viðskipti þín og veitum alla þjónustu á íslensku svo þú þurfir aldrei að vera í vafa um hvar kaupin eru stödd í ferlinu.  Sjáum til þess að kaup þín verði áreynslulaus og ánægjuleg frá fyrstu kynnum. Við erum hér – fyrir þig Kær kveðja,  Perla Investments

Loksins hefur tekist að tengja bókunarvef Europa Goldcar bílaleigunnar við vefinn okkar.

Á innrivef skal velja "Flug og bíll " og þaðan velja "Bílaleigur".

Það sem þarf að huga að, þegar byrjað er að bóka bíl er að hafa við hendina:

vegabréf, ökuskírteini og flugupplýsingar. 

Evesta er íslenskur ferðavefur sem sérhæfir sig í markaðssetningu á skammtíma leiguhúsnæði út um allan heim. Við fáum þúsundir ferðamanna til okkar daglega í leit að gistingu fyrir fríið og okkur vantar fleiri góðar eignir á skrá á Spáni vegna mikillar eftirspurnar!
Skráning á www.evesta.is kostar aðeins 19.900 kr fyrir 12 mánuði. Hver skráning er heil vefsíða með ótakmörkuðum fjölda mynda, verðtöflu í fjölmörgum myntum, dagatal sem sýnir útleigutímabil og margt fleira.
Við bjóðum öllum félagsmönnum FHS 10% afslátt á skráningargjaldinu til 31.mars. Lestu meira um þjónustu Evesta fyrir húseigendur http://www.evesta.is/kynningarefni/evesta_huseigendur.pdf

Nú er loksins búið að koma í loftið nýjum vef Félags húseigenda á Spáni.  Ýmsar nýungar eru að finna á vefnum, sem eru hugsaðar til hagsbóta fyrir félagsmenn eins og t.d. nýtt og fullkomnara  leigusetur, þar sem boðið er upp á möguleika á að setja inn myndir og meiri upplýsingar um eignirnar. Ekki var hægt að færa upplýsingarnar af gamla leigusetrinu yfir á það nýja og þurfa félagsmenn því að slá upplýsingarnar inn að nýju.

Jafnframt var hannaður Leiguverðreiknir, sem var hugsaður til að samræma og auðvelda alla verðlagningu á leiguhúsnæði, en mjög mikið ósamræmi hefur verið á verðlagningu á leiguhúsnæði til þessa. 

 Þá verðum mun auðveldara fyrir stjórnina að koma upplýsingum á framfæri við félagsmenn bæði með póstlistanum og einnig á heimasíðunni.

FHS vefurinn er núna kominn með nýtt útlit

Til þess að félagsmenn geti skráð sig inn þurfa þeir að smella hér . Þegar komið er inn á það svæði, þarf að slá inn FHS númerið, það sem stendur á skírteininu, og eftir það komast menn inn til að breyta notendaupplýsingum þar má velja notendanafn sem verður að vera samfellt nafn og lykilorð.

Þetta notendanafn og lykilorð þarf síðan að nota til að komast inn á 'innri vef' til að geta bókað flug til dæmis...