Fréttablaðið RTN news greindi frá því í síðasta hefti, að margir aðilar hafi sett sig í samband við blaðið og tilkynnt um að nokkuð mikið bæri á vasaþjófnuðum á svæðinu í kring um Torrevieja.  Þetta gerðist helst í matvöruverslunum sem ekki væru með öryggismyndavélakerfi.  Tilgreindu þeir verslanir Mercadona í Sam Luis og Los Balcones og verslanir Lidl í Playa Flamenca og Torrevieja og einnig verslun Terretlas í Torrevieja. 

Þjófarnir séu ýmist einir eða með öðrum þegar þeir létu til skarar skríða.  Notuðu þeir þá aðferð að vera með poka í báðum höndum, eða með hendi í fatla og óskuðu aðstoð fólks að ná í ákveðna vöru í hillu í versluninni.  Þjófurinn færi svo ofan í tösku eða vasa og taki veski eða önnur verðmæti þegar fórnarlambið væri að teygja sig í umrædda vöru.  Fólk er því hvatt til að fara varlega.

Líkt og fram hefur komið breytti RÚV gervihnattasendingum sínum fyrir nokkru með þeim afleiðingum að þeir sem keypt höfðu sér móttökudisk til þess að sjá stöðina sjá hana nú hvergi.

Til er önnur leið til að sjá alla dagskrá RÚV.......

Sjá nánar á innri vef FHS

Mikil stemning er nú á Spáni vegna sigurs Spánverja á Þjóðverjum í undanúrslitum heimsmeistarakeppninnar í fótbolta í gærkvöldi. Spánverjar sýndu töluverða yfirburði í leiknum og var 1-0 sigur mjög verðskuldaður. Sjálfstraustið er nú allsráðandi og eru flestir Spánverjar mjög bjartsýnir á að landslið þeirra muni vinna heimsmeistaratitilinn. Flestar sjónvarpstöðvarnar eru undirlagðar af umfjöllun um leikinn í gær og m.a. mátti lesa af skjánum (lauslega þýtt): „Við étum þýsku bratwurst-ana og kreistum safann úr hollensku appelsínunni“. Mark Puyol, sem og fjölmörg marktækifæri Spánverja, eru endursýnd í erg og gríð í öllum fréttatímum og talað við glaðbeitta Spánverja á götum úti. Einnig er sýnt hvernig kolkrabbar nýtast á Spáni; þ.e. til matargerðar en ekki spádóma.

Úrslitaleikurinn á móti Hollendingum verður á sunnudagskvöldið kemur klukkan hálf níu – klukkan hálf sjö að íslenskum tíma. Eðlilega mun þetta vera þýðingarmesti leikur landsliðsins frá upphafi spænskrar knattspyrnu. Í stærstu borgunum má sjá leikinn á risaskjám úti á torgum og má t.a.m. vænta þúsunda manna að fylgjast með leiknum fyrir utan leikvang Real Madrid, Estadio Santiago Bernabéu. Miðað við hátíðahöldin í gærkvöldi á götum úti í vel flestum borgum Spánar, má sannarlega sjá fyrir sér að allt muni bókstaflega fara á hvolf ef Spánverjar landa titlinum á sunnudagskvöldið.

Þá er bara að mæta tímanlega á einhvern spænskan bar með risaskjá til að upplifa stemninguna með heimamönnum. Viva la Roja!

Virðisaukaskattur á öllu öðru en nauðþurftum hækkar á Spáni á morgun 1. júlí.

Virðisaukaskattsþrepin eru þrjú. Virðisaukaskattur á nauðþurftum (brauð, mjólk, vatn o.s.frv.) hækkar ekki og verður áfram 4%. Virðisaukaskattur af annari matvöru en nauðþurftum hækkar úr 7% í 8%. Virðisaukaskattur af öllu öðru hækkar síðan úr 16% í 18%. 

Hækkanir þessar eru hluti af aðgerðum ríkisstjórnar Zapatero til að minnka fjárlagahallan á ríkissjóði og ná tökum á efnahagsmálunum. Fleiri aðgerðir eru boðaðar eins og launafrysting lífeyrisþega og lækkun launa hjá ríkisstarfsmönnum á Spáni.