Félag húseigenda á Spáni

OOPS. Your Flash player is missing or outdated.Click here to update your player so you can see this content.

Félagsmenn

Könnun

Ertu fylgjandi því að banna alfarið nautaat á Spáni, líkt og Katalóníumenn hafa gert?

	Já
	Nei
	Hef ekki skoðun

Forsíða

Ný Primark verslun í Elche

Höfundur Gísli Breiðfjörð Árnason
föstudagur, 03 september 2010
Glæný Primark verslun var opnuð í verslunar og þjónustumiðstöðinni L'Aljub sem er í miðbænum á Elche í síðustu viku. Verslunin sem er á jarðhæð og telur 3.000 fermetra sem er engin smá smíði, býður upp á fatnað fyrir alla fjölskylduna og eru tilboðsdagarí gangi fyrstu dagana eftir opnunina. Auk fatnaðar á alla fjölskylduna eru deildir í versluninni þar sem boðið er upp á ýmsan varning til heimilisins. Í nýju versluninni starfa 162 manns og er verslunin sú 16 á Spáni. Eigendur Primark verslunarkeðjunnar hófu útrás sína einmitt á Spáni í maí 2006 með verslun í Madrid og var það fyrsta Primark verslunin sem opnuð var utan Bretlandseyja. Síðan þá hefur fyrirtækið stækkað og er nú með verslanir í Hollandi, Portúgal, Þýskalandi og Belgíu. Verslunin í Elche er fyrsta Primark verslunin í Valencia héraði. Meira en 2000 manns starfa í verslunum Primark á Spáni. Margir Íslendingar þekkja þessar verslanir fyrir einstaklega hagstæð verð og hefur Primarkverslunin í Murcia verið vinsæl meðal Íslendinga.
Síðast uppfært ( föstudagur, 03 september 2010 )

Tilkynning vegna áður auglýstrar haustferðar

Höfundur Sveinn Arnar Nikulásson

þriðjudagur, 31 ágúst 2010

Vegna haustferðar, sem auglýst var hér þann 22. júlí sl., vill Ágústa Pálsdóttir koma eftirfarandi á framfæri...

Því miður verður haustferðin ekki farin vegna þátttökuleysis að þessu sinni, sem kemur af því að margir voru búnir að ráðstafa sig í aðrar ferðir á sama tíma. Hins vegar stendur til að stefna að þessari sömu ferð með vorinu og kalla hana vorferð, sem verður þá farin fyrstu viku maímánaðar.

Ágústa vill hins vegar þakka þeim sem skráðu sig að þessu sinni og vonast til að vortíminn henti betur til ferðarinnar.

Icelandair með áætlunarflug til Alicante

Höfundur Sigurður Þ. Ragnarsson

miðvikudagur, 25 ágúst 2010

icelandairflugvel Icelandair hefur ákveðið að hefja áætlunarflug í apríl á næsta ári til Alicante á Spáni. Flogið verður vikulega fram í október. Þetta kemur fram í tilkynningu frá Icelandair.

„Við höfum á undanförnum mánuðum fengið mikinn fjölda áskorana frá einstaklingum og ferðaskrifstofum um að hefja áætlunarflug til Alicante og almennt er íslenski ferðamannamarkaðurinn að taka við sér,“ segir Birkir Hólm Guðnason, framkvæmdastjóri Icelandair í tilkynningunni.

„Á svæðinu er töluverður fjöldi orlofshúsa í eigu Íslendinga og margir vinsælir og fjölsóttir ferðamannastaðir í nágrenninu. Síðan munum við selja Íslandsferðir frá Alicante svæðinu í gegnum sölukerfi okkar á Spáni, en Alicante verður þriðja borgin á Spáni, sem við fljúgum til. Hinar eru Madríd og Barcelona.“

Þá segir Birkir Hólm að einnig hafi verið gengi frá samkomulagi við ferðaskrifstofuna VITA um sölu á hluta sætanna á íslenskum markaði.

Flugið hefst fyrir páska næsta vor, eða 14. apríl, og stendur allt sumarið fram til 13. október. Flogið verður í morgunflugi á fimmtudögum, utan tímabilsins 6. júlí til 7. september þegar flogið verður eftir hádegi á miðvikudögum.

Þrír látast í flóðum á Suður Spáni

Höfundur Sigurður Þ. Ragnarsson
miðvikudagur, 18 ágúst 2010
Þrír hafa látist í sjálfstjórnarhéraðinu Cordoba á Suður Spáni etir gríðarlegar rigningar í fyrrinótt og í gær, að því lögreglan Spáni hefur greint frá. Tveir af þessum þremur létust þegar jeppi sem þeir voru á lenti í vatnflaumi vegna rigninganna sem reif bílinn með sér. Sá þriðji lést eftir veggur við heimili hans hrundi undan vatnsflaumnum og á manninn. Veðurstofa Spánar hefur gefið út viðvörun vegna hitabeltisstorma á Suður Spáni með gríðarmikilli rigningu í dag og næstu daga.

Yfirvöld á Spáni gefa út viðvörun af hæsta stigi

Höfundur Sigurður Þ. Ragnarsson
fimmtudagur, 12 ágúst 2010
Spænsk yfirvöld hafa gefið út viðvörun af hæsta stigi í fjórtán héruðum Spánar vegna hættu á skógareldum. Miklir þurrkar og hitar hafa verið víða um Spán uppá síðkastið og hefur hitinn til landsins verið að slá upp undir 40 stig dögum saman. Héruðin sem um ræðir eru Almería, Murcia, Jaén, Córdoba, Albacete, Ciudad Real, Toledo, Salamanca, Ávila, Zamora, Cantabria, Extremadura, Galicia og Valencia en norður af Alicante hafa nú þegar orðið lítilsháttar skemmdir af völdum skógarelda. Er fólk beðið um að vera ekki á ferðinni í skóglendi eða til fjalla nema að þekkja aðstæður mjög vel og þá halda sig á vegum og svæðum með góðu útsýni til allra átta.

Einokun í fluginu hugsanlega að ljúka

Höfundur Gísli Breiðfjörð Árnason
mánudagur, 09 ágúst 2010
Nú gæti séð fyrir endan áeinokun íslenskra flugfélaga á flugmarkaðnum til og frá Íslandi ef marka má fréttir frá því í gær. Samkvæmt þeim fréttum mun eitt stærstaflugfélag heims, ameríska flugfélagið Delta hefja daglegt flug milli Íslands og Bandaríkjanna næsta sumar. Útlit er fyrir að þeir hjá Delta láti ekki þar við sitja, heldur noti Evrópsku samstarfsflugfélögin Air France og hollenska flugfélagið KLM til þess að fljúga á milli Parísar og Keflavíkur og Amsterdam og Keflavíkur. Hljóðið gæti því breyst hjá íslenskum flugrekstraraðilum þegar þeir sjá fram á að sitja ekki lengur einir aðmarkaðnum. Þetta gæti komið sér vel fyrir FHS félaga en rétt er að minna á að á síðustu árum kom nokkrum sinnum upp sú staða að FHS fékk ekkert tilboð í flugið þrátt fyrir að eftir því væri leitað. Ef þetta gengur allt eftir, gæti verið bjart framundan í flugmálum hér á landi.
Síðast uppfært ( fimmtudagur, 12 ágúst 2010 )

Katalóníuhérað á Spáni bannar nautaat

Höfundur Sigurður Þ. Ragnarsson
mánudagur, 09 ágúst 2010
Þing sjálfstjórnarsvæðisins Katalóníu á Spáni samþykkti nýverið lög sem banna nautaat. Lögin voru samþykkt með þrettán atkvæða mun en hundrað tuttugu og þrír þingmenn greiddu atkvæði um tillöguna. Með þessu er Katalónía fyrsta ríkið á Spáni sem innleiðir slíkt bann. Tveir stærstu flokkarnir ákváðu að taka ekki flokkspólitíska afstöðu í málinu heldur láta það eftir hverjum og einum þingmanni að greiða atkvæði samkvæmt samvisku sinni. Bannið tekur gildi árið tvö þúsund og tólf og þar með líkur tvö hundruð áttatíu og sex ára hefð fyrir slíku ati en upphaf þess er rakið til ársins 1726

Ólöglegum eftirlíkingum eytt

Höfundur Gísli Breiðfjörð Árnason
föstudagur, 06 ágúst 2010
Lögregla í Torrevieja eyddi miklu magni af alls kyns hlutum, sem haldlagðir hafa verið að undanförnu. Um er að ræða ólöglegar DVD myndir, töskur, sólgleraugu og fleiri hluti, sem teknir hafa verið af götusölumönnum. Þessir götusölumenn eru oft á tíðum ólöglegir innflytjendur, þannig að lögreglan hefur í nógu að snúast varðandi þetta vandamál. Í seinustu viku júlímánaðar haldlagði lögreglan í Torrevieja 2500 hluti og voru þeir hlutir meðal þess sem eytt var í umrætt sinn.

Símakort klónuð

Höfundur Gísli Breiðfjörð Árnason

mánudagur, 02 ágúst 2010

simi_ii Bresk kona varð fyrir því fyrr í sumar að hún fékk svimandi háan símreikning eftir sumarfrí í Frakklandi og voru símtöl þar, sem hún kannaðist ekki við. Eftir að hafa fengið reikninginn sundurliðaðan, kom í ljós að símtöl fyrir 530 voru á símareikningi hennar sem hún kannaðist ekkert við og voru flest símtölin í símanúmer í Singapore. Þrátt fyrir útskýringar konunnar, neitaði Orange símafyrirtækið að fella skuldina niður.

Málið var rannsakað og kom þá í ljós að öflugur skanner mun hafa tekið við upplýsingum frá síma konunnar, þegar hún kveikti á honum á flugvellinum í Frakklandi og hafa þær upplýsingar verið settar á ný símakort. Þau kort hafa svo verið notuð óspart í að hringja vítt og breitt m.a. til Singapore, sem varð til þess að konan fékk þennan svimandi háa símareikning.

Þegar kveikt er á GSM síma í öðru landi en þar sem notandinn býr, þá byrjar síminn að leita að merki frá símafyrirtækjum eins og t.d. Movestar eða Vodafone. Þegar merkin eru fundinn skráir notandinn símann hjá einhverju af þessum fyrirtækjum og þá sendir síminn m.a. upplýsingar sem símafyrirtækið þarf, til að hægt sé rukka fyrir símtölin sem hringd eru í gegn um viðkomandi símafyrirtæki. Það eru þessar upplýsingar sem skannerinn á flugvellinum í Frakklandi náði að nema. Þó að þetta atvik hafi átt sér stað í Frakklandi, geta sams konar atvik alveg eins átt sér stað á Spáni og er því gott að hafa varann á.

Skógareldar á Torrevieja svæðinu

Höfundur Gísli Breiðfjörð Árnason
föstudagur, 30 júlí 2010
Slökkviliðin á Torrevieja svæðinu voru kölluð út fjórum sinnum á þremur dögum nú í vikunni, vegna skógarelda. Á mánudagskvöld var tilkynnt um mikin skógareld inn á Villa Martin golfvallarsvæðinu, nánar tiltekið á svæði sem heitir Calle Canón Hills. Skökkvilið Torrevieja borgar þurfti að koma til aðstoðar og þurfti að nota tvær þyrlur til að ráða niðurlögum eldsins. Rannsókn á eldsupptökum leiddi í ljós að eldurinn hafi að öllum líkindum kviknað af mannavöldum og líklegast verið kveiktur af ásettu ráði. Miklir þurkar hafa verið á þessu svæði og allur gróður mjög þurr og því þarf lítið til að eldar kvikni, ef ekki er farið gætilega.